Վրաստանը միացել է թվային քովիդ անձնագրերի միասնական տարածքին, որին անդամակցում է 49 երկիր։
Վրաստանի քաղաքացիներն այժմ արդեն կարող են մեկնել Եվրամիության   27 և Եվրամիության ոչ անդամ 22 երկրներ միայն թվային քովիդ-վկայականով և Վրաստանում տրված քովիդ-քարտով՝ https://ec.europa.eu/.../eu-digital-covid-certificate_en

Թվային քովիդ-վկայականից օգտվելու համար անհրաժեշտ է,  որ քաղաքացիները 
App Store-ից՝ https://apps.apple.com/ge/app/georgia-e-health/id1590322048 կամ
Google Play-ից՝ https://play.google.com/store/apps/details?id=com.moh.geehealth  
ներբեռնեն Georgia e-Health հավելվածը և անցնեն պարզ գրանցում։
Հավելվածը ցույց է տալիս տեղեկություններ անձի կարգավիճակի մասին (պատվաստում, թեստավորում և քովիդով վարկված-վարակը հաղթահարած):
Եթե քաղաքացին որևէ պատճառով չի կարողանում ներբեռնել թվային քովիդ- վկայագրի համար անհրաժեշտ հավելվածը, նա պետք է դիմի Արդարադատության տուն և ստանա քարտ։ Եթե քաղաքացին մինչև նոյեմբերի 17-ը արդեն ստացել է քովիդ- քարտ, ապա անհրաժեշտ է այն նորացնել։
Ցանկացած դեպքում, արտերկիր մեկնելուց առաջ անձը պետք է Վրաստանի արտաքին գործերի նախարարության կայքի միջոցով՝ https://www.geoconsul.gov.ge/ka/newsFeed/nId/292, ստուգի, թե ինչ քաղաքականություն/կանոնակարգ ունի այս կամ այն երկիրը՝ կապված  Վրաստանի քաղաքացիների հետ։

Վրաստանի 60 և բարձր տարիքի քաղաքացին, ով մինչև 2021 թվականի դեկտեմբերի 31-ը կպատվաստվի կորոնավիրուսի պատվաստանյութի առաջին չափաբաժնով, ավտոմատ կերպով կստանա 200 լարիի միանվագ հավելավճար։

Պատվաստված անձանց մասին տեղեկատվությունը Սոցիալական ծառայության գործակալությանը տրամադրվում է ամիսը երկու անգամ (ամսի 1-ին և 15-ին), և տեղեկատվությունը ստանալուց հետո հաջորդ 5 աշխատանքային օրվա ընթացքում Գործակալությունն ապահովում է գումարի փոխանցումը քաղաքացուն։

Միանվագ հավելավճարը կփոխանցվի  նրանց հաշվեհամարին՝  Լիբերթի Բանկի հետ կնքված պայմանագրի շրջանակներում։

Ինչ վերաբերում է  60-ից 65 տարեկան քաղաքացիներին, որոնք  կենսաթոշակային տարիքին չեն համապատասխանում, ապա Սոցիալական ծառայության գործակալությունը նրանց համար հաշվեհամարներ կբացի՝ Լիբերթի Բանկի հետ կնքված պայմանագրի շրջանակներում։

Այն քաղաքացիները, որոնք  պատվաստանյութի առաջին չափաբաժինը կստանան  2021 թվականի դեկտեմբերի վերջին,  միանվագ հավելավճարը կստանան   2022 թվականին։

Վրաստանում համաճարակաբանական իրավիճակի վերլուծության հիման վրա,   առողջապահության ոլորտի փորձագետների և առողջապահության նախարարի հետ խորհրդակցելուց հետո, որոշում է կայացվել մեղմել գործող կարգավորումները.

• 2022 թվականի հունիսի 20-ից հասարակական տրանսպորտում դիմակ կրելու պարտավորությունը հանվել է, և դրա օգտագործումը պարտադիր է միայն բժշկական հաստատություններում։

• 2022 թվականի հունիսի 15-ից ցանկացած երկրի քաղաքացին, ով ժամանում է Վրաստան ցանկացած երթուղիով՝ լինի դա օդային, ցամաքային կամ ծովային ճանապարհով, ազատվում է Covid-ի դեմ պատվաստանյութի ընդունումը հաստատող փաստաթուղթ կամ բացասական PCR թեստի բացասական պատասխան  ներկայացնելու պարտականությունից։

Գործնականում բոլոր սահմանափակումներն ու կանոնակարգերը, բացառությամբ բուժհաստատություններում դիմակ կրելու կանոնակարգի, հանվել են։ Միջգերատեսչական համակարգող խորհուրդը կշարունակի հետևել համաճարակաբանական միտումներին և համապատասխան որոշումներ կայացնել:

Պատվաստումը ճիշտ ընտրություն է`ինքներդ ձեզ, ձեր ընտանիքը և հասարակությունը  COVID-19-ից պաշտպանելու համար: Պատվաստումը նվազեցնում է վարակվելու, ծանր հիվանդանալու և մահվան ռիսկը և համաճարակը դադարեցնելու ամենաարդյունավետ միջոցներից մեկն է:

Պատվաստումը խորհուրդ է տրվում նույնիսկ այն դեպքում, եթե դուք արդեն տարել եք COVID-19-ը, քանի որ կան ապացույցներ, որ վարակը տանելուց հետո հնարավոր է անձի մոտ չձևավորվել  համապատասխան իմունային արձագանք, և անձը դեռ գտնվում է կրկնական վարակվելու վտանգի տակ:

Համավարակը դադարեցնելու համար, COVID-19-ի դեմ պատվաստմանը զուգահեռ, անհրաժեշտ է շարունակել կանխարգելիչ միջոցառումները. դիմակ կրելը, առնվազն մեկ մետր հեռավորություն պահպանելը և ձեռքերի հիգիենան:

COVID-19-ի դեմ պատվաստանյութերը ռեկորդային կարճ ժամանակահատվածում ստեղծված աննախադեպ համագործակցության և մեծ ներդրումների արդյունք են, և դրանք լիովին համապատասխանում են անվտանգության բոլոր չափորոշիչներին:

COVID-19-ի դեմ պատվաստանյութերի օգտագործումը տեղի է ունենում միայն կլինիկական փորձարկումների մանրակրկիտ ուսումնասիրությունից և վերլուծությունից հետո:

Որոշ մարդիկ կարող են ալերգիկ ռեակցիա ունենալ տարբեր ալերգենների նկատմամբ, օրինակ, պենիցիլինի կամ  գետնանուշի (արախիսի), բոռի խայթոցի և այլնի նկատմամբ, ալերգիկ ռեակցիա կարող է զարգանալ նաև COVID-19-ի դեմ պատվաստանյութերի նկատմամբ։   

Առողջապահության համաշխարհային կազմակերպության հանձնարարականի համաձայն՝ բժիշկը մանրամասն գնահատում է պացիենտի բժշկական պատմությունը՝ պարզելու համար, արդյոք պացիենտն ունի՞  COVID-19-ի պատվաստանյութի նկատմամբ լուրջ ալերգիկ ռեակցիա: Պատվաստումն ապահովող կլինիկայի բժշկական անձնակազմը պատշաճ կերպով պատրաստված է ծանր ալերգիկ ռեակցիաները ժամանակին ախտորոշելու և նման ռեակցիաները բուժելու նպատակով հրատապ միջոցներ ձեռնարկելու համար:

Ուստի կարևոր է բժշկին տրամադրել ամբողջական տեղեկատվություն այն մասին, արդյոք նախկինում ունեցել եք որևէ բանի նկատմամբ սուր ալերգիկ ռեակցիա, հատկապես, եթե վիճակը պահանջում էր ադրենալինի/էպինեֆրինի օգտագործում կամ հոսպիտալացում:

Ծանր սուր ալերգիկ ռեակցիաները (անաֆիլաքսիս) սովորաբար տեղի են ունենում հազվադեպ և ակնթարթորեն պատվաստումից հետո, ուստի լավ են կառավարվում բժշկական անձնակազմի կողմից:

Բժշկական հաստատությունից դուրս գալուց հետո, եթե վատ եք զգում և կարծում եք, որ կարող եք ավելի ուշ ալերգիկ ռեակցիա ունենալ, անմիջապես դիմե՛ք ձեր բժշկին:

Պֆայզեր-Բիոնտեքի մ-ռնթ պատվաստանյութ (Pfizer-BionTech)

·        12 տարեկանից ցածր տարիք: 

·         Հայտնի է ծանր ալերգիկ ռեակցիա  պատվաստանյութի ցանկացած բաղադրիչի, հատկապես պոլիէթիլենգլիկոլի (PEG) կամ հարակից մոլեկուլների նկատմամբ։

·         Անաֆիլակտիկ ռեակցիա պատվաստանյութի առաջին դեղաչափի նկատմամբ։ Տվյալ դեպքում պատվաստանյութի երկրորդ դեղաչափը չի արվում։

·         Տենդով ընթացող (38.50C-ից բարձր)  սուր հիվանդություն՝  պատվաստումը պետք է հետաձգվի մինչ ապաքինումը:

·         COVID-19 վարակի ախտորոշումից 1 ամիս (30 օր) հետո։ Բացառություն են կազմում այն ​​անհատները, որոնք COVID-19 վարակի ժամանակ բուժվում էին կոնվալեսցենտ պլազմայով և անհատները, որոնք սուր ժամանակահատվածում ունեցել են բազմահամակարգային բորբոքային համախտանիշ: (Նվազագույն միջակայքը 120 օր է):

·         COVID-19-ով վարակված անձանց մոտ մոնոկլոնալ հակամարմիններով կամ վերականգնող պլազմայով բուժում. պատվաստումը պետք է հետաձգվի բուժման ավարտից հետո առնվազն 90 օրով`բուժվելու ու պատվաստանյութերով պայմանավորված իմունային արձագանքների ծանրացումից խուսափելու նպատակով։

·         Ցանկացած այլ պատվաստումների և COVID-19-ի պատվաստանյութերի միջև նվազագույն ժամանակային միջակայքը 14 օր է: Բացառություն է կատաղության և տետանուսի դեմ հակաբորբոքային պրոֆիլակտիկան, որն իրականացվում է առանց ժամանակային միջակայքի։

AstraZeneca վեկտորային պատվաստանյութ (AstraZeneca)

·         45 տարեկանից կրտսեր հասակ:

·         Ակտիվ նյութի կամ պատվաստանյութի հավելանյութի նկատմամբ գերզգայունություն։

·         Անաֆիլակտիկ ռեակցիա պատվաստանյութի առաջին դեղաչափի նկատմամբ։ Այս դեպքում պատվաստանյութի երկրորդ դեղաչափը չի արվում։

·         Հեպարինով պայմանավորված թրոմբոցիտոպենիա (HITT կամ HIT տիպ 2)։

·         Ընդարձակ երակային և (կամ) զարկերակային թրոմբոզ թրոմբոցիտոպենիայի ֆոնին, որը զարգացել է COVID-19-ի ցանկացած պատվաստանյութով պատվաստվելուց հետո, չի տրվում Astrazeneca պատվաստանյութի երկրորդ դեղաչափը:

·         Տենդով ընթացող (38.50C-ից բարձր)  սուր հիվանդություն՝  պատվաստումը պետք է հետաձգվի մինչ ապաքինումը:

·         COVID-19 վարակի ախտորոշումից 1 ամիս (30 օր) հետո։ Բացառություն են կազմում այն ​​անհատները, որոնք COVID-19 վարակի ժամանակ բուժվում էին կոնվալեսցենտ պլազմայով և անհատները, որոնք սուր ժամանակահատվածում ունեցել են բազմահամակարգային բորբոքային համախտանիշ: (Նվազագույն միջակայքը 120 օր է):

·         Ցանկացած այլ պատվաստումների և COVID-19-ի պատվաստանյութերի միջև նվազագույն ժամանակային միջակայքը 14 օր է: Բացառություն է կատաղության և տետանուսի հակաբորբոքային պրոֆիլակտիկան, որն իրականացվում է առանց ժամանակային միջակայքի:

Սինոֆարմ ինակտիվացված պատվաստանյութ (Sinopharm)

·         18 տարեկանից կրտսեր հասակ:

·         Ակտիվ նյութի կամ պատվաստանյութի հավելանյութի նկատմամբ գերզգայունություն։

·         Անաֆիլակտիկ ռեակցիա պատվաստանյութի առաջին դեղաչափի նկատմամբ: Այս դեպքում պատվաստանյութի երկրորդ դեղաչափը չի արվում։ Պատվաստումը չի արվում նաև, եթե առաջին դեղաչափը ստանալուց հետո արձանագրվել է ոչ ցանկալի ռեակցիա նյարդային համակարգի կողմից։

·         Ալերգիկ ռեակցիա նախկինում ստացված ցանկացած պատվաստանյութի նկատմամբ (սուր ալերգիկ ռեակցիա, անգիոնևրոզային այտուցում, շնչառության դժվարացում և այլն):

·         Չվերահսկվող էպիլեպսիա կամ այլ զարգացող նյարդաբանական հիվանդություն և պատմության մեջ Գիյեն-Բարեի համախտանիշ։

·         Հղիություն։

·         Կրծքով կերակրում։

·         Տենդով ընթացող (38.50C-ից բարձր)  սուր հիվանդություն՝  պատվաստումը պետք է հետաձգվի մինչ ապաքինումը:

·         COVID-19 վարակի ախտորոշումից 1 ամիս (30 օր) հետո։ Բացառություն են կազմում այն ​​անհատները, որոնք COVID-19 վարակի ժամանակ բուժվում էին կոնվալեսցենտ պլազմայով և անհատները, որոնք սուր ժամանակահատվածում ունեցել են բազմահամակարգային բորբոքային համախտանիշ: (Նվազագույն միջակայքը 120 օր է):

·         Իմունոգլոբուլին ընդունելուց հետո COVID-19-ի դեմ պատվաստումը կատարվում է 1 ամսվա ժամանակային միջակայքով։

·         Ցանկացած այլ պատվաստումների և COVID-19 պատվաստանյութերի միջև նվազագույն ժամանակային միջակայքը 14 օր է: Բացառություն է կատաղության և տետանուսի հակաբորբոքային պրոֆիլակտիկան, որն իրականացվում է առանց ժամանակային ընդմիջումների:

​

​Սինովակ ինակտիվացված պատվաստանյութ (Sinovac)

·         18 տարեկանից կրտսեր հասակ:

·         Պատվաստանյութի ցանկացած բաղադրիչի նկատմամբ ալերգիկ ռեակցիա

·         Անաֆիլակտիկ ռեակցիա պատվաստանյութի առաջին դեղաչափի նկատմամբ: Այս դեպքում պատվաստանյութի երկրորդ դեղաչափը չի արվում։

·         Հղիություն։

·         Կրծքով կերակրում։

·         Տենդով ընթացող (38.50C-ից բարձր)  սուր հիվանդություն՝  պատվաստումը պետք է հետաձգվի մինչ ապաքինումը:

·         COVID-19 վարակի ախտորոշումից 1 ամիս (30 օր) հետո։ Բացառություն են կազմում այն ​​անհատները, որոնք COVID-19 վարակի ժամանակ բուժվում էին կոնվալեսցենտ պլազմայով և անհատները, որոնք սուր ժամանակահատվածում ունեցել են բազմահամակարգային բորբոքային համախտանիշ: (Նվազագույն միջակայքը 120 օր է):

·         Իմունոգլոբուլին ընդունելուց հետո COVID-19-ի դեմ պատվաստումը կատարվում է 1 ամսվա ժամանակային միջակայքով։

·         Ցանկացած այլ պատվաստումների և COVID-19 պատվաստանյութերի միջև նվազագույն ժամանակային միջակայքը 14 օր է: Բացառություն է կատաղության և տետանուսի հակաբորբոքային պրոֆիլակտիկան, որն իրականացվում է առանց ժամանակային միջակայքի:

COVID-19-ի դեմ պատվաստումների հիմնական նպատակը վիրուսով հարուցված   հիվանդացության, հոսպիտալացման ու մահվան դեպքերի նվազեցումն է,  ինչի մասին վկայում են հետազոտությունները: Առողջապահության համաշխարհային կազմակերպության կողմից թույլատրված և Վրաստանում օգտագործվող COVID-19-ի դեմ  պատվաստանյութերը ՝ Պֆայզեր-Բիոտեկը, Օքսֆորդ Աստրազենեկան, Սինոֆարմը և Սինովակը    գրեթե 100%-ով պաշտպանում են մարդկանց COVID-19-ով ծանր հիվանդանալուց, հոսպիտալացումից և մահից: Ինչ վերաբերում է հիվանդության ախտանշով ձևի դրսևորման կանխարգելմանը, ապա այն բոլոր պատվաստանյութերի համար անհատական ​​է և հիմնված է յուրաքանչյուր պատվաստանյութի ծանոթագրության մեջ նկարագրված III փուլի ուսումնասիրությունների վրա: Տարբեր պատվաստանյութերի արդյունավետության ցուցանիշը տատանվում է 50%-ից 95%`ըստ կլինիկական փորձարկումների և պատվաստումների իրականացման տվյալների:

Ինչպես նաև, ամբողջ աշխարհում ավելանում են  ապացույցներն առ այն, որ COVID-19-ի դեմ  պատվաստանյութերը ոչ միայն պաշտպանում են վարակից, հիվանդության ծանր ձևի զարգացումից, հոսպիտալացումից և մահից, այլ նաև էապես նվազեցնում են վիրուսը այլ մարդկանց փոխանցելու հավանականությունը:

Ինչպես COVID-19-ը, այնպես էլ COVID-19-ի դեմ պատվաստանյութերը նոր են: Հետևաբար, այս փուլում առողջապահության փորձագետները չգիտեն, թե անձը վարակվելուց կամ պատվաստվելուց հետո որքան ժամանակ է պաշտպանված։ Մյուս կողմից, լավ հայտնի է, որ COVID-19-ը ամբողջ աշխարհում բազմաթիվ բարդությունների և մահվան պատճառ է դարձել: Պատվաստումն ամենաապահո՛վ ընտրությունն է:

Պատվաստումը կարող է ուղեկցվել կողմնակի բարդություններով, ինչը նորմալ է և ցույց է տալիս, որ ձեր օրգանիզմը զարգացնում է իմունիտետ:

COVID-19-ի պատվաստանյութի առաջին կամ երկրորդ դեղաչափի ընդունումը կարող է ուղեկցվել հետևյալ կողմնակի ազդեցություններով. տեղական ռեակցիա (ցավ, այտուց, կարմրություն ներարկման տեղում), հոգնածություն,      գլխացավ, մկանային ցավեր, մրսելու զգացողություն, հոդացավեր, ջերմություն, սրտխառնոց, ավշային հանգույցների այտուց (լիմֆադենոպաթիա):

COVID-19-ի պատվաստանյութը, ինչպես ցանկացած այլ պատվաստանյութ կամ դեղամիջոց, կարող են առաջացնել որոշ կողմնակի բարդություններ: Սակայն, այս երևույթները, ընդհանուր առմամբ, մեղմ և ժամանակավոր են, և դրանք հաճախ դրսևորվում են պատվաստումից հետո երեք օրվա ընթացքում: Այնուամենայնիվ, եթե ախտանիշները պահպանվում են, և ձեզ վատ եք զգում, անմիջապես կապվե՛ք ձեր ընտանեկան բժշկի հետ կամ զանգահարե՛ք 1522:

Լրացուցիչ տեղեկությունների համար այցելե՛ք կայք ՝ ncdc.ge:

Չնայած COVID-19-ի վարակը տանելուն՝ խորհուրդ է տրվում պատվաստվել, քանի որ այս փուլում գիտությանը հայտնի չէ, թե որքան ժամանակով է հիվանդությունը տանելուց հետո  պահպանվում բնական իմունիտետը:

Կլինիկական հետազոտությունների տվյալները ցույց են տալիս, որ ներկայումս թույլատրված COVID-19-ի դեմ պատվաստանյութերի օգտագործումը անվտանգ է նրանց համար, ովքեր արդեն վարակվել են COVID-19-ի վարակով: Պատվաստումն առաջարկվում է անկախ այն բանից`հիվանդությունը ախտանիշներով էր ընթացել, թե առանց ախտանիշների: Պատվաստումների մասին որոշում կայացնելու ժամանակ պարտադիր չէ թեստավորվել՝ սուր վարակի ախտորոշման համար կամ սերոլոգիական հետազոտություն անել՝ տարած վարակը որոշելու նպատակով։   

Հասարակությունում   հիվանդության տարածումը կանխելու համար խորհուրդ է տրվում, որ COVID-19-ով հաստատված վարակ ունեցող հիվանդների պատվաստումը հետաձգվի, քանի դեռ անձը չի վերականգնվել սուր հիվանդությունից (եթե անձը ախտանիշներ ուներ) և չբավարարվեն մեկուսացման դադարեցման չափանիշները:   Այս հանձնարարականը  վերաբերում է այն հիվանդներին , ում մոտ վարակն ախտորոշել են մինչև պատվաստանյութի առաջին դեղաչափի ընդունումը  կամ պատվաստանյութի առաջին և երկրորդ դեղաչափերի միջև:

Չնայած նրան, որ վարակվելու և պատվաստումների միջև նվազագույն ժամանակային միջակայքի վերաբերյալ հանձնարարական չի տրվել, ներկայիս ապացույցները ցույց են տալիս, որ COVID-19-ով   վերավարակման ռիսկը վարակվելուց հետո մի քանի ամիս ցածր է, բայց ժամանակի ընթացքում ռիսկը կարող է աճել՝ իմունիտետը թուլանալու պատճառով: Վրաստանում այն անձանց համար, ում մոտ թեստավորումով հաստատվել էր վարակ, այդ միջակայքը  սահմանվել է 30 օր:

Այս փուլում անբավարար են հետազոտությունները և ապացույցները   հղի կանանց և երեխաների պատվաստումների անվտանգության և արդյունավետության վերաբերյալ:

ԱՀԿ-ը խորհուրդ է տալիս, որ COVID-19-ի դեմ պատվաստանյութը չօգտագործվի հղիության ընթացքում, բացառությամբ այն դեպքերի, եթե հղի կնոջ պատվաստման օգուտները   գերազանցում են պատվաստանյութի հավանական ռիսկերը. Օրինակ՝ առողջապահության բնագավառի աշխատողների մոտ, որոնք  COVID-19-ով վարակվելու բարձր ռիսկի տակ են գտնվում,  և զուգակցված հիվանդություններով հղի կանանց մոտ, ովքեր COVID-19-ի ծանր ընթացքի բարձր ռիսկի տակ են գտնվում։  Հղի կանանց պետք է տեղեկատվություն տրամադրել  և խորհրդատվություն անցկացնել նրանց համար (հնարավորության դեպքում)՝ անվտանգության և արդյունավետության տվյալների սուղ լինելու մասին։ 

Ընդհանուր առմամբ, ըստ առկա ապացույցների և միջազգային փորձի, պատվաստումների համար ոչ մի նախնական դեղորայքային նախապատրաստում (օրինակ ՝ հակահիստամինային դեղերամիջոցներ կամ որևէ այլ դեղամիջոցներ ընդունելը) և հատուկ հետազոտություն չի պահանջվում: Այնուամենայնիվ, որոշ առանձին դեպքերում բժիշկը որոշում է կայացնում կոնսուլտացիայի արդյունքում: